Gereelde vrae

1. Word enige van julle skryfkursusse deur middel van korrespondensie aangebied?

Ongelukkig nie. Hoewel daar ’n vraag daarna kan wees, het ons nie genoeg personeel om sulke bykomende dienste te lewer nie.

2. Kan ’n mens iemand leer om ’n skrywer te word?

Talent vir skryfwerk is natuurlik nie iets wat ons meen ons kan verskaf nie. ’n Mens kan egter help om iemand in kontak met hulle talent te bring. Wat ons kan doen, is om skrywers te help om hulle skryfwerk te verbeter. Ons kan almal leer om ons eie werk te redigeer. Die gereedskap wat ’n persoon kan gebruik om sy of haar werk te herskryf, word in ons kursusse bespreek en kan onderrig en geleer word.

 3. In watter tale word die skryfkursusse aangebied?

Die kursusse word in Afrikaans aangebied. Opdragte by al ons kursusse kan egter in Afrikaans of Engels gedoen word.

 4. Kan kursusgeld elektronies betaal word?

 Ja. Vir rekeninginligting, skakel +27 18 299 1783.

 5. Kan ek vir jou my manuskrip vir ’n resensieverslag stuur?

 Ja, raadpleeg die inligting oor die Skryfagentskap.

 6. Wat kos dit ’n skrywer om ’n boek te publiseer?

Indien ’n erkende uitgewer ’n manuskrip vir publikasie aanvaar, kos dit die skrywer niks. In daardie geval produseer die uitgewer die gedrukte boek namens die skrywer.