Die Skool vir Kommunikasie is bekend vir die verskaffing van topgehalte onderrig en die verskaffing van bedrewe professionele kommunikasiekundiges. As nagraadse student kan jy voordeel trek uit ons unieke program, wat daarop toegespits is om ʼn impak op die werklike wêreld te maak deur toegepaste navorsing in kommunikasie. Ons program is die beste keuse vir dié waarde tot die veld wil toevoeg en kommunikasie uitdagings in Suid-Afrika die hoof wil bied.
Studente met ʼn nagraadse kwalifikasie in Kommunikasie werk tipies in die korporatiewe-, NWO- of regeringsektore in strategiese hoedanigheid. Met ʼn nagraadse kwalifikasie kan jy vir ʼn organisasie of as konsultant werk. Jy kan ook ʼn loopbaan in die akademie, of as navorsingskonsultant volg.
Inskrywing vir ʼn nagraadse graad in Kommunikasie aan die NWU voorsien jou van talle navorsingsgeleenthede en die geleentheid om nou saam te werk met navorsers wat kundiges in verskeie velde van kommunikasie is. Studente kan baat vind by hulle kundigheid en leiding in hulle nagraadse akademiese strewes. Dit help studente om hulle horisonne te verbreed en hulle begrip van kommunikasie in verskeie kontekste te verdiep. Ons is opgewonde om jou te ontvang as lid van ons gemeenskap van nagraadse geleerdes om jou voor te berei om sukses met jou doelwitte te behaal!
Navorsingsfokus en moontlike onderwerpe
Aan die Noordwes-Universiteit is ons toegespits op Kommunikasie vir volhoubaarheid in die winsgewende, niewinsgewende, en openbare sektore. Die voordeel van toegespitste navorsing is dat jy verseker is van ʼn ervare studieleier in die veld. Met ervare studieleiers, spesifieke navorsingstemas, en klem op kommunikasie gerig op volhoubaarheid, ontvang ons studente die hoogste gehalte leiding en ondersteuning.
Ons onderskei breedweg tussen studies in Joernalistiek en Mediastudies, Korporatiewe kommunikasie en Ontwikkelingskommunikasie. Sommige onderwerpe kan nietemin verband hou met meer as een studieveld. Ons kan tans gehalte toesig verskaf oor die volgende onderwerpe:
- Handelsmerk- en reputasiebestuur (Korporatiewe kommunikasie)
- Gemeenskapsmedia (Joernalistiek; Ontwikkelingskommunikasie)
- Korporatiewe sosiale verantwoordelikheidskommunikasie (Korporatiewe kommunikasie, Ontwikkelingskommunikasie)
- Verkiesingskommunikasie (Ontwikkelingskommunikasie, Mediastudies)
- Bemarkingsbestuur en bemarkingskommunikasie ( Korporateiwe kommunikasie)
- Mediabestuur (Joernalistiek en Mediastudies, Korporatiewe kommunikasie)
- Aard van kommunikasie in ontwikkelingskontekste (Ontwikkelingskommunikasie)
- Aard van kommunikasie in interne en eksterne bedryfsomgewings (Korporatiewe kommunikasie)
- Nuusgehalte (waninligting, nuusgeletterdheid en etiek) (Joernalistiek en Mediastudies)
- Nuusvervaardiging (nuusproduksie, nuusverspreiding) (Joernalistiek en Mediastudies)
- Verhoudingsbestuur (Korporatiewe kommunikasie)
- Sosiale media (Joernalistiek en Mediastudies, Korporatiewe kommunikasie, Ontwikkelingskommunikasie)
Vereistes
ʼn Ideale nagraadse student in kommunikasie sal ʼn sterk akademiese agtergrond in die veld hê, geesdriftig wees om ʼn positiewe uitwerking op die samelewing te hê deur effektiewe kommunikasie, sal oor uitstekende navorsingsvaardighede beskik, en in staat wees om inligting krities te ontleed. Hulle behoort ook sterk vaardighede te hê in geskrewe en mondelinge kommunikasie, innoverend te wees, en gewillig om te leer, en in staat om onafhanklik asook in groepsomgewing te werk.
Indien jy belangstel om aansoek te doen vir Magister of PhD-programme in Kommunikasie aan die Noordwes-Universiteit (NWU), is hier ʼn stapsgewyse gids om jou deur die aansoekproses te help:
Onthou om die spesifieke vereistes vir die Magister of PhD-program waarin jy belangstel, te kontroleer, omdat hulle mag wissel. Dit is noodsaaklik om ʼn deeglik voorbereide aansoek in te dien, insluitend ʼn kort voorstel, om jou kanse vir toelating tot die NWU te verbeter.
Vir meer inligting kan jy die nagraadse programleiers kontak: