Dumisani Moyo is tans die uitvoerende dekaan van die Fakulteit Geesteswetenskappe by die Noordwes-Universiteit (NWU). Hy het in 2006 ’n doktorsgraad in Media en Kommunikasiestudie aan die Universiteit van Oslo verwerf, nadat hy in 1998 ’n meestersgraad in Filosofie by dieselfde universiteit voltooi het. Hy was die ontvanger van beurse van die Noorweegse Raad van Universiteite se komitee vir ontwikkelingsnavorsing en opvoeding (Norwegian Council of Universities Committee for Development Research and Education, NUFU) en die NORAD-genootskapprogram (NORAD Fellowship Programme) vir sy meestersgraad- sowel as sy doktorale studie. Voor dit het hy ’n BA (Hons) in Engels (1991) en ’n Nagraadse Diploma in Media- en Kommunikasiestudie (1995) aan die Universiteit van Zimbabwe voltooi. Sy vorige professionele ervaring sluit in dat hy ’n senior lektor en hoof van die Departement van Mediastudie aan die Universiteit van die Witwatersrand, Suid-Afrika was; ’n besoekende lektor aan die Universiteit van Addis Ababa, Ethiopië; ’n navorsingsgenoot aan die Universiteit van Oslo; ’n Fulbright Scholar in Residence by die College of Lake County and William Rainey Harper College, Illinois, VSA; en ’n lektor aan die Universiteit van Zimbabwe.
Voordat hy in 2021 by die NWU aangesluit het, het Moyo as ’n medeprofessor in die Skool vir Kommunikasie, en later as adjunkdekaan vir Onderrig en Leer in die Fakulteit Geesteswetenskappe aan die Universiteit van Johannesburg, Suid-Afrika gedien. Voor dit het hy as streeksprogrambestuurder vir Media en Toegang tot Inligting by die Open Society Initiative for Southern Africa (OSISA) gewerk, en tussen 2015 en 2016 as die Afrika-streeksbestuurder vir die Strengthening Media and Society Project of the World Association of Newspapers and News Publishers (WAN-IFRA).
Moyo is ’n internasionaal-erkende vakkundige, met ’n Google-h-index tans op 15 en meer as ’n duisend aanhalings (sien: https://scholar.google.com/citations?hl=en&user=W9FdjpEAAAAJ). Hy het ook ’n hoë gradering as vakkundige by die Nasionale Navorsingstigting (NNS) van Suid-Afrika met ’n C2- eerste gradering. Sy navorsingsbelangstellings sluit mediabeleid en regulering, en media, politiek, kultuur en tegnologie in Afrika in, en hy het al wyd op hierdie gebiede gepubliseer. Sy vernaamste werk sluit vier boeke as mederedakteur in: Radio in Africa: Publics, Cultures, Communities (Wits Press, 2011); Media Policy in a Changing Southern Africa: Critical Reflections on Media Reforms in the Global Age (UNISA Press, 2010); Mediating Xenophobia in Africa: Unpacking Discourses of Migration, Belonging and Othering (Palgrave, 2020); en Re-imagining Communication in Africa and the Caribbean: Global South Issues in Media, Culture and Technology (Palgrave, 2021). Hy dien as raadslid vir ’n aantal internasionale organisasies, insluitende die African Studies Association (ASA); the Institute for Pan-African Thought and Conversation (IPATC); Media Monitoring Africa (MMA) en die Investigative Journalism Hub (IJ-Hub), waar hy tans die raadsvoorsitter is.
